Davao City – Surpresang nisulod ang PDEA Davao atol sa gipahigayon nga PUV Driver’s Education Progam sa pagpanguna sa City Transport and Traffic Management Office (CTTMO).
Kapin kun Kulang 250 sa Sobra 1000 ka mga drayber ang gipailawom sa Random Drug Testing sulod sa Davao City Recreational Center o kanhi Almendras Gym.
Matud ni CTTMO chief Dionisio Abude nga upat ka mga tricycle drivers ang nagpositibo sa drug test.
Sumala ni Abude dili usa maisyuhan og mga PUV IDs ang upat samtang mupailawom pa kini sila sa CADAC intervention ug rehabilitasyon.
Sumala ni Abude gitigom ang mga PUJ, tricycle, taxi ug van drivers sa maong aktibidad aron ipahibalo ug eedukar sila sa Traffic signalization, safety driving ug traffic code ug kini maoy usa sa mga rekisitos gawas sa ipresenta nilang prangkisa ug ORCR aron maisyuhan sila’g PUV IDs sa CTTMO.
RadyoMaN Aimee Guinita
