Davao City – Upat ka mga drug couriers ang sunod-sunod nga nadakpan sa intensified checkpoints sa Task Force Davao.
Gibutyag ni Task Force Davao Commander Col. Darren Comia sa eksklusibong interbyu sa DXDC RMN Davao, mas gihugtan nila ang pagbantay sa checkpoints ilabina karong Christmas Season nga daghang mosulod nga mga tawo sa dakbayan.
“Patuloy nating pinapahigpit ang ating seguridad hindi lang sa border control points pati na rin sa sentro ng Davao City,” sumala niini.
Sa report sa Task Force Davao, balhog sa detention facility sa Toril Police Station ang usa ka rent a car employee nga si James G. Lim, 31 anyos, minyo, residente sa Mundog Subdivision, Kidapawan City.
Sa inspeksyon sa Sirawan checkpoint , sakay sa black Toyota Vios nasakmit sa posisyon sa suspek ang anaa sa P8,000.00 nga kantidad sa shabu ug drug paraphernalia.
Samtang, arestado usab ang truck driver sa Kia Bongo nga si Abdul M. Tok, 51 anyos ug helper niining si Eskak A. Abdullah, 29 anyos, taga Datu Piang, Maguindanao, North Cotabato human madiskubrehan sa mga personahe sa Task Force Davao sa inspeksyon nga aduna kiniy dalang droga ug armas.
Narekober sa mga awtoridad ang unregistered caliber .38 pistol ug lima ka mga bala, usa ka pakete sa suspected shabu nga adunay estimated street value nga P6,400.00.
Wala usab makalusot ang van passenger sa Lasang checkpoint nga si Rod Vey Ballon, 25 anyos, nagpuyo sa San Isidro, Tagum City, Davao del Norte kinsa nasakpan usab nga nagdala og P9,120.00 nga kantidad sa shabu.
Giturn-over na sa Task Force Davao ang mga nadakpang drug suspects sa kapulisan ug mag-atubang kini’g kasong paglapas sa RA 9165.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
