Unang nasikop sa mga operatiba sa Topril Police ang usa ka suspek nga giilang si alyas “Dexter,” 41 anyos, mananagat, human mapalitan og upat ka pakete sa gituohang shabu. Lakip sa nakumpiska kaniya mao ang buy-bust money ug drug paraphernalia. Ang operasyon gikasang alas-2:28 sa hapon, Septyembre 11, 2025, sulod mismo sa iyang pinuy-anan.
Samtang, laing tulo ka drug suspects ang nadakpan usab sa kapulisan sa Talomo human mapalitan og managlahing gidak-on sa gituohang shabu atol sa laing buy-bust operation kagahapon. Ang mga nadakpan giilang sila alyas “Katkat,” alyas “Bebe,” ug alyas “Jumer,” nga pawang mga hingkod ang edad.
Ang upat ka dinakpan kasamtangan nga nagdetenir sa kapulisan ug mag-atubang og kaso nga paglapas sa Republic Act 9165 o Comprehensive Dangerous Drugs Act of 2002.
RadyoMan Don Pulayao
