4 individual naharang sa tulo ka mga check point sa Davao, dakong kantidad shabu nasakmit gikasohan na

Davao City – Gikasohan na sa kapulisan sa Bunawan og Eden Police Station sa kasong kalapasan sa RA 9165 o Comprehensive Dangerous Drugs Act of 2002, batok sa upat ka mga individual human naharang sa tulo ka mga check point sa Davao City og nakumpiska sa kapulisan ug Task Force Davao sa ilang posisyon ang P460K kantidad sa shabu.

Subay sa report, giila ang mga suspetsado sila Jennings Bryan Lim, 23 anyos, taga Barangay Panacan, Reyhannah Zamora, 24 anyos, taga Toril, Ronald Gamaya, 35 anyos, taga Brgy. Buhangin ug Albert Garcia.

Sumala pa naharang og nadakpan sila Lim ug Zamora nga nagsakay sa Toyota Vios gikan sa Brgy. Eden padulong sa Toril Proper ug pag-abot sa inspection sa Eden Border Control Point, nakuha gikan sa ilang posisyon, ang lima ka mga pakete sa gituohang shabu nga mokantidad og P424,000 ug usa ka sachet adunay mga pinaugang dahon sa Marijuana.

Na-intercept og nadakpan usab si Ronald Gamaya, nakuhaan og usa ka pakete sa shabu, samtang sakay sa L300 van, pag-abot sa inspection sa Brgy. Mahayag, Buhangin ug nasikop usab ang usa ka pasahero sa bus nga si Albert Dominic Garcia, nakuhaan og usa ka pakete sa shabu pag-abot sa inspection area sa Brgy. Lasang, Davao City.

Nahinabi sa DXDC News Team si Col. Darren Comia Task Force Davao Commander gisulti niya, ang pagkaharang sa mga suspect kini kabahin sa mas hugot nga security measures nga gipatuman ilabi na sa pagbantay sa mga entry points o check point, aron pagseguro nga walay mga makasulod nga mga kontrabando sa syudad sa Davao.

“Patuloy nating gagawin ito kahit na wala tayong threat sa Davao City patuloy nating gagawin ang paghihigpit sa lahat nang entry points sa papasok sa Davao City para naman sa ganun walang masama o any items o contrabands na makapasok sa Davao City”,sulti ni Comia.

RadyoMaN Don Pulayao