BACOLOD CITY – Apat tanan ka mga balay nahalitan sa nagluntad nga sunog pasado las 6 sini gid lamang nga aga sa Purok Golaluma Uno, Brgy. 25, Bacolod City.
Duha ka mga balay ang totally gutted by fire kag ini ang ginapanag-iyahan nanday Jardeliza Bombate kag Albert Bombate, samtang, partially damaged naman ang mga puluy-an nanday Benjamin Alvarez kag Bernadeth Badlit.
Base sa initial imbestigasyon sang arson investigator sang Bacolod Bureau of Fire Protection nga si FO2 Carlo Vincent Mallari, ang sunog gina-allege naghalin sa balay ni Albert Bombate bangud sang napabay-an nga naga-sindi nga katol.
Ginabulubanta nga nagdangat sa kapin P15 mil pesos ang kahalitan nga gintuga sang amo nga sunog./DYHB NEWSROOM
Facebook Comments
