4 ka dalan ug tulay sa Davao del Sur di na magamit human madanyos sa baha

Davao City- Nibilin og grabeng danyos ang baha sa kadalanan ug tulay sa Davao del Sur.

Sa interbyu sa DXDC RMN Davao kang Sherwin Cesar, DavSur PIO, nahugmak na ug di na mapahimuslan pa ang mga tulay sa Malalag, Davao del Sur nga padulong sa palengke ug simbahan tungod gikabkab na sa baha ang pundasyon sa maong mga tulay.

Dili na usab maagian ang Tanwalang Bridge nga nagkonektar sa Sulop ug Kiblawan, Davao del Sur.

Matud ni Cesar, moabot og tulo ka semana ang pagtrabaho sa temporaryong tulay segun sa pahayag sa Department of Public Works and Highways (DPWH-XI).

Samtang ang Malinao Bridge, mga tawo nalang ang pwedeng makaagi ug dili na ang mga sakyanan.

Gisusi pa sa Davao del Sur LGU sa DPWH alang sa pagsulbad sa mga nangadaot na nga mga tulay sa Malalag, Davao del Sur.



RadyoMaN Aimee Guinita

Facebook Comments