Davao City – Na-turn over na ngadto sa Davao City Social Welfare and Development Office (CSWDO) ang upat ka menor de edad kinsa gituohang biktima sa human trafficking human na-rescue sa otoridad sa Davao International Airport niadtong Abril 22, 2024.
Sa report sa PNP Aviation Security Group, migula sa imbestigasyon nga gisaaran ang mga babaye nga mamahimong online sellers sa buntag ug waitress matag gabii sa Laoag, Ilocos Norte.
Apan nakita sa otoridad ang posibilidad sa trafficking hinungdan sa ilang pagkasa sa operasyon ug pag aresto sa duha ka suspetsadong mga babaye nga mag atubang sa paglapas sa Expanded Anti-Human Trafficking in Persons Act of 2012 samtang ang mga menor, kasamtangang anaa sa kustodiya sa CSWDO.
Subay niini, gipaniguro sa PNP Aviation Security Group nga sila kanunay andam sa pagresponde ugaling aduna na usab mamatikdang human trafficking sa tanang airport sa Pilipinas.
RadyoMaN Ivy Parido
Facebook Comments
