Malampusong nasikop sa mga operatiba sa City Drug Enforcement Unit kon CDEU ang upat ka mga drug personalities Miyerkules sa gabie tungod sa pagkalambigit sa iligal nga druga. Kini human sa anti-illegal drug buy bust operation nga gikasa diha sa dalang JV Seriña sa Brgy. Carmen ning syudad sa Cagayan de Oro..
Naila ang mga dinakpan nga sila si Archie Dacillo, 21 anyos nga ulitawo ug residenti kini sa Jasmine Extension, Cherry Villareal, 32 anyos nga residenti sa V. Castro, Josephine Villaraza, 28 anyos nga residenti sa V.Castro ug si Mercy Villareal, 42 anyos nga taga V. Castro kung diin silang tanan ang taga Brgy. Carmen ning syudad sa Cagayan de Oro.
Napalitan sa usa ka sachet sa gituhoang shabu balor 500 pesos ang mga suspek nga maoy hinungdan sa ilang pagka-aresto. Nakuha gikan kanila ang usa ka sachet sa gituhoang shabu nga buy bust item, ang usa ka cellphone ug ang 500 pesos bill nga ginamit isip buy bust money.
Motimbang lamang sa 0.07 grams ang shabu nga nakuha gikan sa mga suspetsado nga gibana-banang dunay street market value nga 500 pesos.
Detinado na karon ang mga suspetsado sa Maharlika Detention Cell samtang giandam na ang kasong pagsupak sa R.A. 9165 nga ipasang-at ngadto sa korte batok kanila.
Kasama mo sa CDEU, RadyoMaN Andy Coco, DXCC Tatak RMN!
