Davao City – Gipangita karon sa kapulisan sa Island Garden City of Samal ang responsable sa pagputol sa mga ulo sa mga itoy sa Barangay San Miguel, IGACOS, Davao del Norte nga nahitabo niadtong Setyembre 3, 2021.
Usa ka residente sa lugar ang nireport sa insidente ngadto sa mga awtoridad human niini nakaplagan ang upat ka mga itoy nga gipamutla’g ulo.
Sa imbestigasyon sa kapulisan, nasayrang gipalabay sa tag-iya ang mga itoy tungod kay gipangkuto kini ug giingong naapektuhan ang ilahang mga anak apan gihimakak sa tag-iya ang paghimo sa krimen.
Nilusad og manhunt operation ang SAMAL PNP ug nitabang usab si Barangay Captain Dionn Phillip Balatero Heramil uban ang City Veterinarian’s Office kung kinsa ang responsable niini.
Subay niini, hugot nga gikondena sa Bantay Hayop Davao ang insidente.
“The viral photos of 4 puppies around 2 to 3 months old that started yesterday was a shocking sight, painful, unacceptable and unforgiveable. A person capable of doing such a psychopathic act and display it for others to see is a work of a criminal that cannot be simply allowed on the lose,” subay sa post sa Bantay Hayop Davao.
Nitanyag og P15,000 ang Barangay San Miguel, IGACOS isip reward sa makatudlo sa nipatay sa mga upat ka mga itoy ug giawhag ang adunay mga impormasyon kalabutan niini nga mu-contact kang Kapitan Dionn Phillip Heramil sa numerong 09071515906.
RadyoMan Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
