Apat ka mga public utility jeepney ukon PUJ ang natumbahan sang pader sa Ungka Terminal kaina sang hapon.
Sa apat ka mga jeep, duha ang PUJ nga may byahe Sta. Barbara- Iloilo City, isa ka Sta. Barbara-Lapaz kag Jaro CPU Ungka.
Tuman naman ang pagpasalamat ni Mr. Edgar Salarda sang Pagkakaisa ng mga Samahan ng Tsuper at Operator Nationwide ukon PISTON-Panay nga wala sang may nasamaran nga driver sa insidente.
Maswerte lang suno sa iya nga wala sang may nagapungko sa sulod sang jeep sang natabo ang insidente.
Ang amo nga pader ang kabahin sang isa ka daan na nga building sa tupad sang terminal kag ginapahayag nga ginapanag-iyahan sang pamilya Pueblo.
Facebook Comments
