Posibleng mag atubang sa kasong paglapas sa RA 9165 ang upat ka mga suspetsado sa pagpayuhot ug droga human naaresto pinaagi sa buy bust operation sa kapulisan sa presento 4 sa may Purok 1A, Sitio Pindugangan, Brgy., Tipanoy sakop ning dakbayan sa Iligan.
Sikop sa maong operasyon ang target person nga nailang si Renante Capampangan y Balaba, , 47,anyos, minyo ug residente sa nasangpit nga lugar kinsa nadiskubrehang usa ka drug surenderee niadtong 2016 ug anaa sa watchlist sa ICPO.
Sikop usab ang lain pang tulo ka mga lalaki nga anaa sa maong dapit nga sila si Angelo Donio y Taborada,, 21, single, usa ka mag uuma ug resident sa Purok-4, Pindugangan, Barangay Tipanoy, Cleford Labasano y Bancale, 20, single, usa gihapon ka mag uuma residente usab sa nasangpit nga lugar, ug si Celestino Rabado y Alivio, 40, usaka construction worker, nga taga Zone 17, Sitio Fatima, Brgy., Abuno, sakop ning syudad sa Iligan.
Ang maong mga suspetsado ang nakuhaan kini ug tag usa ka sachet sa shabu nga gituohang napalit gikan kang Capampangan.
Mukabat sa ka 5 sachets sa illegal nga droga ang nakuha gikan sa maong operasyon nga adunay street value nga 15,000.00 pesos.
Ang mga dinakpan ang gidetained karong panahona sa police station 4
