ILOILO – Arestado sa raid sang Criminal Investigation Detection group (CIDG) ang 4 ka persona sa Barangay Santa Ana, Estancia, Iloilo, udto sang Setyembre 28.
Ang mga arestado ginkilala kanday: Richard Villanueva, 36 anyos; Jemars Arlos, 24 anyos; Al Causing , 26 anyos lunsay mga residnete sang Barangay Pinay Espinosa, Ajuy, Iloilo; kag Reynaldo Marquez 53 anyos sang Barangay Santa Ana, Estancia, Iloilo.
Suno kay Supt. Julius Jacinto sang CIDG, ginakabig nga mayor koridor sang iligal nga pasugal si Marquez kag si George Villanueva an=mo ang ila financier.
Si George Villanueva amo ang amay snag nadakpan nga si richard Villanueva nga amo ang nagaserbe kolektor.
Suno sa pahayag ni Richard Villanueva, ginpanginwala sini nga involve sa iligal nga pasugal ang iya amay.
Ang ila mga dokumento sa iligal nga pasugal ginakuhaan nila snag litrato kag ginasend paagi sa messenger sa Silay, Negros Occidental.
Suno kay Richard, ginasend man nila ang kwarta paagi sa Palawan Pawnshop kag ginapadala kay Love Arante sang Silay City.
Gina-imbestigahan na ini karun sang kapulisan.
