Davao City – Duha ka mga tawo pedestrian ang nadamay human magkarambola ang upat ka mga behikulo nahitabo alas-11:20 kagabii sa Mahayahay, CP Garcia Highway, Matina, Davao City.
Ang maong insidente gikalambigitan sa Isuzu UV Van, Kawasaki motorcycle nga dunay side car, Suzuki multicab van, ug single motorcycle samtang ang mga biktima mao sila Marlon Rolina ug Raffy Mahipos nga pulos taga-Island Garden City of Samal kinsa daling gipang dala ug gitambalan sa Southern Philippines Medical Center (SPMC).
Sa pagkakaron, padayon pa ang imbestigasyon sa awtoridad labot sa rason sa maong disgrasya apan sa inisyal nga nasuta paspas ang padagan sa driver sa pick-up.
Ang upat ka mga sakyanan gikustodiya na sa Talomo PNP.
RadyoMaN Jason Amisola
Facebook Comments
