Davao City – Sikop ang usa ka coordinator sa sugal, usa ka usher ug tulo ka mga mopataday atol sa gilusad nga Joint Anti Illegal Gambling sa Regional Anti Illegal Gambling Special Operation Task Group XI, Regional Mobile Force Battalion XI, ug Talomo PNP.
Gipahigayon ang operasyon ganinang alas-10 sa kabuntagon sa Barangay Magtuod ning syudad.
Ang coordinator mao si Norman Alberto Braga, 30 anyos nga residente sa may lower Dampa Barangay Magtuod, ug lain pang Ricky Baulat Constantino, 46 anyos, Ninania Lamente Emnace, 60 anyos ug si Josel Catubig Remollena, 36 anyos.
Nakuha sa mga dinakpan ang gambling paraphernalia ug bet money nga 240 pesos.
Nasayran matod pa nga misulay ang coordinator sa last two nga suholan ang pulis sa kantidad nga 54, 000 pesos nga nahimo na hinuong basehan nga nadungagan og laing kaso ang suspek.
Ang mga ebidensiya ug mga dinakpan kasamtangan nang gi-balhug sa selda sa Talomo PNP.
RadyoMaN Paul Canono
