Prisohan karon ang gitugpahan sa upat ka mga pinangita sa balaod human kini sila nasikop sa gihimong operasayon sa kapulisan sa lungsod sa Roxas uban sa mga pulis ang barangay opisyal sa barangay Canobogan didto sa may Sitio Bentonong, lungsod sa Roxas.
Bitbit sa kapulisan ang warrant batok sa upat ka mga wanted nga sila si Joel C. Lumicay, Junjun T. Sumambod, Ronilo S. Talay, ug Jaylod L. Sumambod, pulos kini sila residente sa nahisgutan nga lugar.
Wala na maka eskapo pa ang upat ka mga wanted sa dihang napalibutan na ang ilang lugar, nag atubang kini sila ug kasong Murder ilawom sa CC no. 22596, walay pyansa nga gerekomendar ang korte niini.
Sa pagkakaron ge serbisyohan na nila sulod sa mabugnaw nga rehas ang kasong giatubang nila dala sa pagmahay nga nabuhat nila ang maong salaod.
Samtang naka pyansa na kagahapon ang usa ka dinakpan sa gihimong operasyon sa Sibutad MPS didto sa may purok 3, brgy. Pob. Sibutad.
Naila ang dinakpan nga si Tony Belotindos, residente sa nahisgutan nga dapit nasikop kini siya pinaagi sa warrant of arrest sa kasong reckless imprudence resulting to serious physical injuries. Adunay pyansa nga mokantidad sa P2,000mil ka pesos.
Gawasnon na karon ang maong dinakpan human nabayran ang kantidad nga gipangayo sa korte bugti sa iyang kagawasan.
