Davao City – Gibutyag ni Dr. Jeannie Marie D. Salamasan, City National TB Program Medical Coordinator, nga anaa sa 4-month-old nga baby ang pinakabata nga nataptan og sakit nga tuberculosis (TB) sa Davao City.
Dugang pa nga sagad nataptan sa TB ang mga nag-edad og 25-35-anyos ug 45-55-anyos o mga middle aged, samtang sa mga kabataan anaa sab sa 199 ug liboan sab sa mga senior citizens.
Gani, sa talaan anaa 4,826 ka kaso ang natala sa kababayen-an ug 2,235 sab ang sa mga kalalakin-an sa tuig 2025.
Subay niini, padayon ang pagtinabangay sa lokal nga panggamhanan, Non-Government Organizations, ug sa medical agencies aron mabawasan ang ihap pinaagi sa pag-edukar sa katawhan ug pagpakusog sa active case finding strategies.
Samtang, giawhag sab ang katawhan nga magpakonsulta sa doktor ingon man moduol sa mga health center sa matag barangay, gumikan nga available ug libre ang tambal aron matuldukan ang TB.
RadyoMaN Kareen Beltran
Facebook Comments
