Quezon, City – Arestado ang apat na indibidwal sa ikinasang buy bust operation ng District Drug Enforcement Unit ng Quezon City Police District sa Brgy. Old Balara, Quezon City.
Subject ng operasyon ang drug pusher na si Sulayman Aliman na nangungupahan sa isang bahay sa road 2 kanto ng Tandang Sora.
Ayon kay QCPD DEU Chief PCI Frrninand Mendoza, naaresto ang suspek matapos makabili ng 5-libong pisong halaga ng shabu ang isang pulis na poseur buyer sa kanya.
Kasamang naaresto ng drug suspect ang tatlong iba pang kasama nito sa kwarto kabilang na ang isang lalake na sinasabing may-ari ng sinalakay na paupahan.
Narekober ng mga operatiba ang 13 plastic sachet ng hinihinalang shabu na may street value na 250k, iba’t ibang identification card gaya ng Lambat Sibat Volunteer Card ng PNP.
Ayon kay Major Mendoza, si Sulayman ang isa sa mga source ng shabu Sa Old Balara.
Paliwanag naman ng suspek, napilitan syang magbenta ng shabu dahil buntis ang kanyang misis at para may pambili ng gamot.
