Apat na international flights ng Philippine Airlines (PAL) ang kinansela ngayong araw dahil sa volcanic eruption sa Japan.
Kabilang sa kanselado ang PAL flight PR-427 mula Narita patungong Manila na naka-schedule sana mamayang alas-4:45 ng hapon.
Kanselado rin ang flight PR-437 mula Nagoya na nakatakdang dumating sa Manila ng alas-5:00 ng hapon.
Gayundin ang mula Kansai to Manila na dadating sana ng alas-6:15 mamayang gabi.
Habang ang mula Haneda na naka-schedule sana dumating sa Manila ng alas-6:30 mamayang gabi ay kanselado rin dulot ng abong ibinubuga ng Fukutoku-Okanoba submarine volcano sa Japan.
Facebook Comments
