TACLOBAN CITY – Arestado an upat nga drug dealers ha syudad han Tacloban ha gindumara nga buy-bust operation han mga tinaglawas han PDEA Region 8 ha Brgy. 26 Sabang, Tacloban City.
Ginkilala an mga suspek nga hira Edgar Singson alyas bibit, 35 anyos, usa nga newspaper delivery man nga residente han Brgy. 36 Sabang Tacloban City, Ralph Comora, 30 anyos, usa nga driver ngan residente han Anibong Hapilan Brgy 69. Tacloban City, Mark Joseph Tejones, 19 anyos, nga residente han Brgy 66 Paseo Tacloban City, ngan Carlos Catindoy, 20 anyos, nga residente han Brgy 66 Paseo Tacloban City.
Sumala han PDEA, an upat nga mga suspek in Newly Identified Drug Personalities.
Nakumpiska ha ira an 5 ka sachet han gin-aaligar shabu nga may kabug-at nga 0.05 ka gramo ngan may estimated value nga P2,500.00
An mga suspek in papasakahan hin kaso ha pagtalapas han section 5 sale of dangerous drugs, section 7, section 11 possesion of dangerous drugs ngan section 12 possession of drug paraphernalia ngan section 26, article II han RA 9165.
An mga suspek in temporaryo na nga naka-paslak ha pdea R08 detention facility.
