TACLOBAN CITY – Naigo hin kidlat an upat nga pasahero han pumpboat ha Brgy. Aguit-Itan Calbayog City, Samar, ala 1:00 han kulop kasangkulop.
Ginkilala an mga biktima nga hira Reynaldo Delabajan, 28 anyos, usa nga NAPOCOR operator ngan residente ha Sto. Nino, Samar; Pedro Alimoot, usa nga mangirisda ngan residente ha Brgy. Costa Rica, Sto. Nino, Samar; Peter Alimoot, 26 anyos, usa nga estudyante ngan residente ha Costa Rica, Sto. Nino, Samar; ngan hi Jovane Campoamor, 26 anyos, usa nga crew ngan residente ha Almagro, Samar.
Ha interview han RMN kan PCInsp. Sulpicio Habagat Jr., tagapagyakan Han Samar Police Provincial Office, sakay han M/Bca Justine Joy nga pumpboat an mga biktima tipakadto ha Sto. Nino, Samar han tigda nga kumidlat hin makusog.
Dayon nga namatay hira Reynaldo Delabajan ngan Pedro Alimoot. Gindara naman ha hospital hira Peter ngan Jovane.
Pagklaro han opisyal, waray na iba nga sakay han mao nga pumpbot.
Ruba gihapon an pumpboat ha makusog nga bultahe han kidlat.
