Upat ang namatay ,apil na niini duha ka mga bata , samtang adunay 11 ang na-angol ug anaa karon sa tambalanan atol sa disgrasya sa kadalanan sa Barangay Kanyuko sa Lungsod sa Dumanjug , habagatan-kasadpan nga bahin sa Sugbu kagahapon .
Ang mga biktima sakay sa usa ka multicab gikan nitambong ug kausalogan sa adlaw nga natawhan sa Sayaw Beach sa lungsod sa Barili dihang nabangga sila ngadto sa usa ka wing van .
Nailhan ang mga namatay nga sila si Jennifer Lopez, 27 anyos ug ang duha ka mga anak niini nga sila si Harvey ug Oliver , ug lain nilang kauban nga si Mary Ann Quirante .
17 silang tanan nga sakay sa open-type nga multicab nga gimaneho ni Saulo Quirante nga lakip sa na-angol .
Sa imbistigasyon sa kapolisan sa Dumanjug , naghunong ang wing van nga gimaneho sa usa ka Julito Cuyos , dihang nabangga ang multicab.
Gitanggong sa police station sa Dumanjug ang drayber sa delivery truck alang sa dugang imbistigasyon sa aksidente .
