4 Patay sa anti-drug operation sa Talisay

310

Duha ang unang nakalas atol sa buy bust operation nga gipahigayon alas 3:55 sa kadlawon , Disyembre 18 sa Hawod Compound Barangay Bulacao dakbayan sa Talisay .

Ang duha nailhan nga sila si Rodel Nacario, 29 anyos nga taga syudad sa Toledo ug si Kevin Baguio nga taga Bulacao Pardo .

Mga sakop sa Drug Enforcement Unit sa Talisay City Police Station , Regional Mobile Force Batallion 7 ug PDEA ang nilusad sa maong operasyon nga niresula sa pagkamatay sa duha ka suspek .

Matud sa hepe sa Talisay City Police Station nga si Supt. Marlo Cunag dihang nakamatikod nga polis ang nakigtransaksiyon kanila nanguna kini sa pagpabuto hinungdan nga nahitabo ang pinusilay .

Nakuha gikan sa mga suspek ang mga armas ug ubay-ubay nga shabu .

Samtang pasado alas 7:00 sa buntag , laing magsoon nga nalambigit sa pagpamaligya ug ilegal nga drugas ang napatay ug laing lima ang nadakpan, usab sa buy-bust operation sa Barangay Jaclupan.

Nailhan ang mga suspek nga sila si Rodrigo Alvarez nga maoy subject sa operasyon ug igsoon niini nga si Noel Victor Alvarez nga pulos mga taga Duljo Fatima ug bag-o pa lang nibalhin sa ilang gipuy-an Barangay Jaclupan.

Nakigpinusilay kini sa mga sakop sa Provincial Intelligence Branch sa Cebu Provincial Police Office  nga gipanguluhan ni Police Senior Inspector Alejandro Batobalonos.

Nakuha gikan sa magsoong Alvarez nga giingong konektado sa napatay nga drug lord nga si Jeffrey Diaz alyas “Jaguar” ang kapin usa ka kilong shabu nga gibana-banang mobalor sa P8 milyon.

Ang shabu gibutang sud sa balde ug gilubong sa yuta.

Facebook Comments