4 P’S BENEFICIARIES, MAHIMO NA NGA MA-WITHDRAW ANG ILA SOCIAL AMELIORATION GRANT NGA 6,000 PESOS

4363

Ginpahibalo sang Department of Social Welfare and Development ukon DSWD nga mahimo na nga ma-withdraw sang mga 4 p’s beneficiaries ang ila cash grant sa idalum sang social amelioration program ukon SAP.
Suno kay DSWD Regional Director Evelyn Macapobre nga may kabug-usan nga 311,687 ka mga benepisyaryo sang 4 P’s sa bug-os nga Western Visayas nga maka-avail sang nasambit nga financial assistance sa tunga sang ginapatuman nga enhanced community quarantine bangud sa COVID-19 .
Magabaton ang mga ini sang 6,000 pesos kada bulan sa sulod sang duha ka bulan.
gin-athag sang DSWD , nga sa 6,000 nga mabaton sang mga benepisyaryo sang Pantawid Pamliyang Pilipino Program, 750 pesos diri ang para sa ila health benefits, 600 pesos para sa rice subsidy kag 4,650 ang cash grant sa idalum sang social amelioration program.
sa pag-withdraw sang mga benepisyaryo, ginapanugyan sang dswd nga mag-obserbar sang social distancing agud malikawan ang posible paglaton sang virus

Facebook Comments