Sa interbyu sa DXDC RMN Davao kang Melodina Babante, CHO Tropical Disease Prevention ang Control Unit Pest Control Worker II, kini aron mapugngan ang pagsutoy sa kaso sa dengue.
Sa datos sa CHO, labing gitutukan karon sa mga programa kontra dengue ang 40 ka mga barangays nga adunay daghang mga kaso sa dengue diin pipila sa maong mga barangays mao ang Brgy. Matina Aplaya, Brgy.Matina Crossing ug Brgy. Catalunan Grande, Brgy. Catalunan Pequeño, Brgy. Maa, Brgy. 76-A, Brgy 19-B, Brgy 31-D, Brgy 10-A, Brgy. Tibungco, Brgy. Panacan, Brgy. Lasang ug Brgy. Ilang, Brgy. Buhangin Pob, Brgy. Lapu-lapu Agdao ug uban pa.
Nakatala og 212 ka kaso sa Dengue ang syudad sa Davao sukad niadtong Enero hangtod Pebrero 2023 ug sagad sa mga pasyente nag edad 5-9 anyos ug 15 anyos pataas.
Niadtong Enero, usa ka 6 anyos nga taga-Brgy. Tibungco ang namatay tungod sa dengue.
RadyoMaN Aimee Guinita
