Davao City – Miabot na sa 40 ka mga tigpayuhot og iligal nga droga ang nasikop sa kapulisan sa San Pedro sukad niadtong bulan sa Enero hangtod sa bulan sa Abril ning tuiga.
Sumala sa report gikan sa Presinto Dos ang 40 ka mga nadakpan napasakahan na og kaso ngadto sa City Prosecutor’s Office sa kasong kalapasan sa RA 9165 Comprehensive Dangerous Drugs Act of 2002.
Matud ni Police Chief Inspector Ramil Macarampat, Station Commander sa San Pedro nga hugot ug padayon ang ilang monitoring ngadto sa ilang area of responsibility aron mabantayan kun duna bay nagapayuhot ug iligal nga druga.
Gidugang ni Macarampat nga gimanduan niya ang iyang mga personahe nga magmaigmatun ug pinaagi niini dali usab nila masikop kung ugaling adunay mga nagpadayun sa pagpayuhot og iligal nga druga.
RadyoMaN Don Pulayao
