400 Board Feet nga good lumber, narekober sa Malapatan

8

General Santos City—Narekober sa operatiba sa Malapatan PNP ang mukabat sa 400 board feet sa good lumber sa bakanteng luna sa may Purok Loot, Barangay Poblacion, Malapatan, Sarangani Province.

Sa report nga nahipos sa RMN News Team gikan sa Malapatan Municipal Police Station nasuta nga alas 4:00 sa hapon dihang nakadawat ug report ang maong buhatan nga matud pa dunay mga ginabas nga kahoy nga nakit-an sa maong lugar.

Gilayong girespondihan sa kapulisan ang lugar hain gibilin ang mga ginabas nga kahoy ug didto nagpositibo gyud ang report.

Gibana-banaang mukabat sa P15,000.00 ang kantidad sa maong mga kahoy. Sa karon wala pa matumbok sa kapulisan kung si kinsa ang nanag-iya sa maong mga kahoy samtang gikatakda usab kining i-turnover ngadto sa buhatan sa MENRO Malapatan.

Facebook Comments