Davao City – Kapin 400 ka mga indibidwal ang gipailawom sa Oplan Kalinaw sa Sta. Ana PNP ug San Pedro PNP kauban ang RMFB 11, Task Force Group, Regional Maritime Unit 11, IDMB-DCPO, ug uban pang mga tigpatuman sa balaud.
Sa Sta. Ana PNP natigayon ang Oplan Kalinaw alas 5:30 sa buntag sa may Purok 4 Sales St., Brgy. 28-C ning siyudad sa Davao diin 138 ang na-profiling – 127 ang adunay ID, 11 ang walay ID, 27 ka mga tao nakabenipisyo sa libreng check-up ingon man sa pagka-aresto sa tulo ka mga wanted persons human nasilbihan sa ilang warrant of arrest nga mao sila si Jerson Lumbad sa kasong liquor ban, May Lawan sa violation of SSS Law, ug Jairey Rodes sa kasong attempted murder.
Samtang sa San Pedro PNP nagpahigayon usab og Oplan Kalinaw sa Purok 1 ug 7 Magallanes sa Brgy. 2-A ning siyudad diin sa 284 nga napailawom niini, 264 ang adunay ID, 20 ang walay gipresenta nga ID, ug 83 ka mga tao ang nalibre sa check-up.
Nahuman ang Oplan Kalinaw alas 9:00 sa buntag sa duha ka police stations.
RadyomMaN Don Pulayao
