Davao City- Pinaagi sa pag bangag sa flooring sa usa ka inn diin sila nag check in, nahimo sa gituhoang 3 ka mga suspetsado ang pag sulod sa usa ka money transfer oulet nahimutang sa silong nga bahin sa maong establisimiento atubangan sa City Hall ning syudad.
Sumala sa inisyal nga imbestigasyon sa San Pedro PNP, bandang alas-7:45 sa buntag niadtong niaging adlaw natingala na lang ang usa ka Clark Monteza, frontline associate sa Western Union nga nabuslot na ang ilang kisame ug nahanaw na usab ang sulod sa vault sa ilang opisina nga dunay kwartang nag kantidad og dul-an ₱ 400, 000.
Sa pagsubay sa maong buslot diin miagi ang mga suspetsado, nasuta nga nag chek in ang mga suspetsado sa usa ka inn aron buhaton ang krimen.
Matod pa, giputol sa mga suspek ang alarm sa maong vault aron dili sila madakpan.
Sa kasamtangan naka kuha na ug lead ang sakop ang kapolisan sa San Pedro PNP gumikan sa CCTV footage sa inn.Dunay tulo ka mga suspetsado nga giimbestigahan karon sa kapulisan.
Kasamang Paul Canono
