400 UNITS IT PABAHAY PARA SA BIKTIMA IT TYPHOON YOLANDA, GIN-PRE-TURN-OVER EON

Kalibo, Aklan – Gin pre-turn-over eon kahapon it agahon sa Brgy. Briones, Kalibo rong 400 ka mga units it pabahay sa mga biktima it bagyong Yolanda nga halin sa sari-saring barangay it Kalibo.
Ginhiwat ro nasambit nga pre-turn-over sa mismong site pinaagi sa sangka mapig-od nga programa.
Nangin bisita sanday Regional Director Grace Guevarra ag District Manager Engr. Dominica San Diego it National Housing Authority (NHA) kung sinn mainit man ra sanda nga gin abi-abi ni Mayor Emerson S. Lachica.
Nagtao man it mensahe si Guevarra kung sa siin suno kana hay may igapaubra pa nga 451 ka housing units sa lugar pero bukon pa it makaron bangud sa isyu sa eogta.
Sa makaron hay indi pa pwede maistaran rong nasambit nga mga units bangud bukon pa it kompleto raya rason nga ginhiwat eon lang anay ro pre-turn-over sa mga benepisyaryo santo man sa proseso it National Housing Authority (NHA).

Facebook Comments