Davao City – Gilaumang muabot sa Pilipinas unyang gabii ang COVID vaccine nga AstraZeneca.
Kini ang gibutyag ni Undersecretary Eric Domingo, Food and Drug Administration (FDA) Director-General atol sa interview sa DXDC RMN Davao diin anaa sa 400,000 doses sa maong bakuna ang nakatakdang dawaton sa gobyerno sa Pilipinas.
“Hinihintay lang natin yung actual na pagdating, yun ang indication na darating tonight ang 400,000 doses na AstraZeneca,” segun ni Domingo.
Ang maong bakuna maoy dugang supply sa vaccination program sa nasud diin unang miabot ang Sinovac vaccine nga ginaturok na karon sa pipila ka heath workers ug health officials.
Samtang kini usab ang gikumpirma ni Secretary Harry Roque, Presidential Spokesperson diin alas-7:30 unyang gabii laumang muabot ang first round sa allocated doses gikan sa COVAX facility.
Ang giingong expected time sa arrival base usab sa scheduled handover sa vaccines nga gina-administer na karon.
Sa miaging interview sa DXDC RMN Davao kang Department of Health Undersecretary Dr. Leopoldo Vega, ang nasangpit nga bakuna wala na nagkinahanglan og ultra-low freezer itandi sa Pfizer nga kinahanglan og -70 degrees Celsius.
“Pag abot sa AstraZeneca, di naman na kinahangalan og ultra-low freezer, kana pwede na ordinary vaccination,” segun ni Vega.
RadyoMaN Renz Barbarona
