403rd Brigade, nangandam na sa COVID 19 vaccination, BGen. Barandon, magpabakuna

Nangandam na ang 403rd Infantry Brigade, Philippine Army sa himoon nga vaccination roll-out sa ilang hanay.

Sa interview sa RMN DXMB Malaybalay ngadto kang BGen. Ferdinand Barandon, ang commander sa 403rd Infantry Brigade, gibutyag niini nga gipaabot pa nila ang specific nga plano gikan sa ilang higher headquarters para sa pagbakuna, hinoon naghimo na matud pa sila sa inisyal nga plano sa alang sa pagpahigayon sa vaccination.

Sa karon, wala pa usa’y specific nga adlaw kung kanus-a muabot ang bakuna sa ilang kampo.


Gikumpirma usab sa heneral nga apil sa mahatagan ug bakuna nga gikan sa Sinovac nga niabot niadtong Dominggo sa Pilipinas ang 403rd brigade.

Himoon ang pagbakuna sa ilang headquarters nga anaa sa Impalambong, ning siyudad sa Malaybalay ug sa mga kampo sa 88th IB, 8th IB ug 1st SFB.

Gikumpirma usab ni Gen. Barandon nga usa siya sa mga magpabakuna sa oras nga muabot na kini.

Sigun niya nga tanang kasundaluhan gayod ang angayang magpabakuna.

Nasayran nga adunay mukabat sa sobra sa 2,000 ka sundalo nga ilawom sa 403rd Brigade nga anaa sa Bukidnon.

Facebook Comments