Sikop sa kapulisan sa presento 2 ang usa ka babae nga suspetsado sa pagpayuhot sa ginadiling droga atol sa gihimong buy bust operation sa kapulisan alas 12:05 ang takna sa kaudtuhon sa may Purok 6, Buru-un, ning syudad sa Iligan.
Giila ang suspek nga si CHARLINE BARRIENTOS VELASQUEZ alyas Lovely Briones, 41 years old, adunay ka live-in, walay trabaho ug residente sa Purok 4, Mimbalot, sakop sa Barangay Buru-un.
Napalitan kini ug usa ka gamayng sachet sa gituohang shabu nga motimbang ug kapin kun kulang 0.06 grams.
Nakuha usab sa possesion sa suspek usa ka gamayng sachet sa gituohang shabu nga motimbang ug 0.15 grams, usa ka medium size sa gituohang shabu nga motimbang ug kapin kun kulang 2 gramo ingon man 500 pesos.
Ang nakuhang drugas adunay estimated market value nga 15 thousand pesos.
Ang suspetsado tingkagol karon sa police station 2 ug posibleng mag atubang ug kasong paglapas sa RA 9165.
