Kapin sa 41 ka mga maduagon nga mga “paraw” ang magapaindis-indis sa highlight sang 47th Iloilo-Guimaras Paraw Regatta Festival buwas nga adlaw, Pebrero 17.
Magasugod ang paraw sailing competition sa Villa, Arevalo sa atubang sang Tatoy’s Manokan and Seafoods Restaurant pakadto sa Bundolan point sa Jordan Guimaras pabalik sa Villa, Arevalo.
Sa 41 ka mnga paraw, 15 sa mga ini ang nagapasakop sa Category A ukon mnga paraw nga nagalaba sang 15 ka tapak; 14 ang sa Category B ukon mga paraw nga nagalaba sang 16-22 ka tapak kag 12 naman sa category C ukon mga paraw nga nagalaba sang 22 ka tapak pataas.
Ang Paraw Regatta Festival ang ginakabig nga pinakatigulang nga boat sailing competition sa bilog nga asya kag isa sa mga tourist attraction sang siyudad sang Iloilo.
