Roxas City, Capiz – Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang isa ka lalaki nga nadakpan sa buy bust operation sa Sitio Datiles, Barangay Tiza, Roxas City. Ginkilala ang subject person kay Jenevic Delamede y Oxemer, residente sang nasambitan nga lugar kun sa diin natigayon nga marekober sa iya posesyon ang tatlo ka sachet sang suspected shabu. Base sa impormasyon sang kapulisan, ini ang ginakabig nga newly-identified drug personality. Nahibaluan nga si Delamede ang gulpi na gid lamang nagbiya sa Roxas City kag nagpadulong sa Metro Manila sang kasagsagan sang Oplan Tokhang nga programa sadto sang PNP. Liwat ini nagbalik sa Roxas City kag diri na-monitor sang mga otoridad ang ilegal nga hilimuon kabangdanan nga ginpaidalom sa buy bust operation sang mga kapulisan.
