Sumala pa ni Engr. Lakandiwa Orcullo, Acting Head sa Environmental Waste Management Division, 163 sa maong ihap ang nasakpan sa Coastal Road gikan Agosto 6 hangtod 31 human gipahugtan ang pagpatuman sa balaod batok sa paglabay og basura sa lugar.
Dugang pa ni Orcullo, sa Roxas Avenue adunay usab mga residente nga pirming maglabay og basura sa mga tanom, busa gibutangan kini og mga enforcers gikan sa buhatan ug barangay aron mapugngan ang padayon nga paglapas.
Klaro usab nga ang mga malapason silotan ilawom sa Solid Waste Management Ordinance nga naglatid nga ang multa mahimong moabot og ₱5,000 o kapriso.
Tungod niini, giawhag ni Orcullo ang mga Dabawenyo nga dili na maghulat pa nga madakpan ug mamulta, kon dili magtinabangay sa pagmintinar sa kalimpyo ug katawhan sa dakbayan.
RadyoMaN Kareen Beltran
