Roxas City, Capiz- Arestado ang 43-anyos nga babaye sa ginkasa nga drug buy bust operation sang mga katapo sang Provincial Drug Enforcement Unit (PDEU) sang Capiz PPO pasado alas sais sang gab-i sa mismo poluy-an sini sa Sitio Plaridel, Barangay Cagay syudad sang Roxas.
Ang drug suspect ang ginkilala kay Sorabel Aporta y Arandez, residente sang nasambitan nga barangay kun sa diin natigayon nga makuha sa iya posesyon ang 25 tanan ka sachet sang ginasuspetsahan druga, 500 pesos nga marked money, 5, 000 pesos nga boodle money, ginapanag-iyahan sini nga cellphone kag P496 pesos nga personal nga kwarta.
Suno kay Police Lt Mark Anthony Garcia nga hepe sang PDEU, una na nga nadakpan ang amo nga persona bangud sa pagduso sang ilegal nga druga apang ini ang nakaguha kag liwat nga nagbalik sa ilegal nga boluhaton.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amo nga persona.
