Labangan, Zamboanga del Sur – Patay ang usa ka lalaki human kini ang naghikot og pese sa liog og milakyat sa mangga didtong dapita sa Purok 1, Brgy Sta Cruz, Labangan, Zamboanga del Sur.
Alas 7:30 sa buntag adlaw nga Merkules.
Naila ang biktima nga si Sherwin Duldulao Mateo, 43 anyos, ulitawo, residente sa nahisgutang lugar.
Sumala sa initial nga inbestigasyon PNP Labangan, nasayran nga samay alas 3 sa kadlawon wala na nakit-an ang biktima sa iyang higdaanan.
Sa may alas 6:45 sa buntag sa mao ra nga adlaw nakit-an sa inahan ang biktima nga nagbitay na kini sa mangga apan wala na kini’y kinabuhi.
Nasayran usab nga ang maong biktima ang nag-antos kini sa balatian nga iyang gihambin.
Sa pagkakaron ang patay nga lawas sa biktima ang gipahiluna na sa Gamalinda Funeral Homes.
