Segun ni Niel Cañedo, LTO 11 Regional Director, karong tuiga 2023 anaa na sa 43 ka mga kolorom vans ang ilahang nadakpan ug sagad niini walay mga prangkisa.
Niadtong Oktobre, tulo ka mga vans ang nasikop sa LTO 11 nga gabyahe gawas sa ilahang mga ruta aron ihatod ang mga mukuha’g lisensya sa laing mga rehiyon.
Gibutyag ni Cañedo, gitinguha nila ang safety sa riding public busa subay sa ilahang kampanya sa road safety nagpadayon ang ilahang paggukod sa mga kolorom.
Uban ang City Goverment of Davao, gipanguluhan sa LTO 11 ang pagarangkada sa Road Safety and Road Crash Prevention Month karong bulan sa Nobyembre 2023.
Matag ikatulong Dominggo sa Nobyembre ikomemorar ang World Day of Remembrance para sa mga biktima partikular sa mga disgrasya sa kadalanan.
RadyoMaN Aimee Guinita
