Ormoc City, LEYTE – Arestado yana an 44 anyos nga lalake nga may kaso nga panlugos ha iya babaye nga umangkon, 19 na ka tuig an naglabay.
Ginkilala an suspek nga hi Dante Formentera, hiya in pira na ka tuig nga nagtatago ha Cebu City.
Sumala han Ormoc PNP, nadakop an akusado mahitungod han ginhatag nga impormasyon han usa nga concerned citizen kun hain hiya naukoy ha ira ancestral home ha Ormoc.
Hiya in may standing warrant of arrest nga gin-issue ni Presiding Judge Fortunato Madrona han Ormoc City Regional Trial Court Branch 35 ha kaso nga seven counts of rape dida han Mayo 11, 1999.
Aminado naman an akusado ha ginbuhat nga krimen pero gin-aaligar may relasyon daw ini hira ngan nagka-anak pa.
Nag ukoy ha Cebu City hi Formentera 19 na ka tuig.
Paslak na ha Ormoc Police Station an akusado agud atubangon an kaso nga ginpasaka kontra ha iya.
