45-anyos gintiro patay sa Tupi, South Cotabato.

Patay ang isa ka persona matapos nga tiruhon sa Sitio Bunawan, Brgy. Polonuling, Tupi, South Cotabato alas 12:15 sang udto kahapon nga adlaw, Marso 8, 2021.
Ginkilala ang biktima kay Chadapi Latipa Pagadatan, 45 -anyos, single kag residente sang Prk. Maltaan, Sitio Bunawan, Brgy. Polonuling, Tupi, South Cotabato.
Sa imbestigasyon sang Tupi MPS ang biktima ang papauli na sa ila nga balay kag pag-abot sa nasambit nga lugar gintiro ini sang makapila ka bes sa mga nagkalain-lain nga parte sang iya nga sang wala nakilal-an nga mga suspek nga nangin tunaan sang kamatayon sang biktima.
Gilayon naman nga ginlubong sang pamilya ang biktima tungod sa pagsunod sa Islam tradition
Narekober naman sa crime scene ang basyo sang kalibre 45 nga armas luthang.
Padayon naman ang imbestigasyon sang Tupi MPS sa panibag-o nga insidente sang pagpangluthang sa banwa.

Facebook Comments