45 anyos nanglugos ug 6 anyos-dakpan

28
Handcuffs

General Santos City—Sikop sa Operatiba sa Police Station 8 ang usa ka Balong Cubi, Alias Edgar, 45, hollow block maker, temporaryong nagtuyo sa barangay katangawan, Gensan ug lumad nga taga Maitum, Sarangani province kansa suspek sa paglugos sa 6 anyos nga batang babaye nga itago lang sa pangalang alias Anna.

Subay sa report nga nahagpat sa RMN DXMD Gensan News Team, nagdula-dula ang bata didto mismo sa ilang lugar dihang giduol kini sa suspek dayon gihatagan ug 20 pesos aron mouban kaniya.


Didto gidala sa suspek ang bata sa bagnutan nga bahin ug didto na gihilabtan, iya pang gihadlok ang bata aron dili mosumbong.

Apan pag-uli sa biktima sa ilang balay, namatikdan sa ilang silingan nga nagkadugo ang sul-ob niining underwear mao nga gipangutana ang bata.Didto na kini misumbong bahin sa pag-among among kaniya sa suspek.

Tungod niini ang ginikanan sa biktima uban sa ilang silingan ang misumbong sa kapulisan aron ipadakop ang suspek.

Malampuson usab nga nadakpan si Alias Edgar diin nakuhaan pa kini ug usa ka gamayng sachet sa gituohang shabu.

Gawas sa kasong lugos, kasuhan usab ug kalapasan sa RA 9165 ang nasampit nga suspetsado.

Facebook Comments

From Advertisers