Bukidnon – Nikabat sa upat ka mga panimalay ang gilamoy sa kalayo human nga niulbo ang sunog sa P-4, North Poblacion, lungsod sa Maramag, kagabie.
Sa interview sa RMN Malaybalay ngadto kang Fire Office 1 Don Diego, sa Bureau of Fire Protection kon BFP-Maramag, gibutyag niini nga nakadawat sila ug tawag gikan sa rescue kalabot sa mao nga sunog alas 6:30 sa gabie.
Totally damage ang panimalay nila ni Clarita Rebojo, Larry Rebojo, Rito Rebojo ug Emi Anso.
Niabot matud pa sa ikaduhang alarm ang mao nga sunog hinungdan nga nitabang sa pagpalong ang mga firetruck gikan sa sa Crystal, Napocor ug Fibeco.
Gideklarang fire out ang mao nga sunog sa alas 6:48 sa gabie.
Hinoon wala usay nasamdan o kaha namatay samtang muabot sa 450,000 pesos ang gibana-banang damyos sa sunog.
Sa karon padayon pa ang gi-imbestigahan sa kabomberohan kung unsa ang hinungdan niini.
Apil matud pa sa angulo nga ilang gitutukan ang overload nga pagsaksak sa kuryente sa may computeran nga bahin.
