[image: IFM 919 Logo (1).jpg]
GIKUMPERMA SA GENERAL SANTOS CITY POLICE OFFICE (GSCPO) NGA NAKATALA SILA UG 451 KA MGA KASO SA KRIMEN DIRI SA SIYUDAD SA GENSAN SULOD LAMANG SA USA KA BULAN.
SUMALA PA SA TIGPAMABA SA GSCPO NGA SI PSUPT DENNIS MADRIAGA, NGA SA MAONG KASO, MAS MITAAS KINI ITANDI SA ENERO MILABAYNG TUIG NGA KON ASA, NAKATALA LAMANG SILA UG 307.
KON ITANDI KINI KARON, MAS MITAAS ANG CRIME RATE SA GENSAN UG SOBRA GATUS KA MGA KASO.
GIKABUTYAG USAB NIINI NGA SULOD SA MAONG KRIMEN, GILANGKUBAN KINI SA PHYSICAL INJURY, DAMAGE TO PROPERTY, SPECIAL LAWS SAMA SA MGA NAGSUPAK SA ANTI SMOKING BAN, ILLEGAL DRUGS CAMPAIGN INGON MAN ANG VIOLENCE AGAINTS WOMEN AND CHILDREN (VAWC).
DUGANG PA NI MADRIAGA, NGA DILI BUOT PASABOT NGA KON GATAAS ANG NATALA NILANG KASO KARONG UNANG BULAN SA 2019, DAGHAN NG KRIMINAL O GUBOT NA ANG SIYUDAD.
NAGAPASABOT LAMANG KINI NGA NAHIMONG EPEKTIBO ANG PAGPATUMAN SA MGA KAPULISAN SA ILAHANG SEGURIDAD ILABI NA KARON, GASUGOD NA ANG ELECTION PERIOD.
