46, 769 nga kabataan ha Sinirangan Bisayas nakakaeksperyensya hin matindi nga malnutrition

21

TACLOBAN CITY – Nanawagan an National Nutrition Council o kun NNC ha mga ahensya hiton gobyerno nga igduso an Nutrition Sensitive Development Projects para makakontribwer ngan masolusyunan an malnutrisyon ha Pilipinas.

Sumala kan Catalino Dotollo, NNC Regional Nutrition Program coordinator for Eastern Visayas, ha ilarom hini nga projects an farm-to-market roads, coconut farm rehabilitation, gardening, poverty reduction, discounted caravan, family development sessions sustainable livehood, adolescent health ngan sanitation.

Nanawagan hi Dotollo durante han 2017-2022 Philippine Plan of Action for Nutrition o kun PPAN Regional launch.

An PPAN in usa nga mapa para han mga programa kontra malnutrisyon, usa ini nga formula han NNC.

Pagma implementar ini nga mga proyekto in sigurado sumala han opisyal nga maiibanan an problema han malnutrisyon ha bansa.

Durante gihapon han regional launch, stakeholders tikang ha government ngan private sectors an nanumpa para suportahan an PPAN’s 12 programs ngan 46 nga proyekto nga magseserbe nga framework para han ira aksyon.
Ini nga proyekto in ekspektado nga makakabulig ha 46, 769 nga mga kabataan ha Sinirangan Bisayas nga nakakaeksperyensya hin matindi nga malnutrition.

Facebook Comments