46 ka mga rebelde nga NPA nagsungka samtang 17 napatay sa engkwentro sa Western kag Central Visayas sadtong nagligad nga tuig 2020!

88

Roxas City, Capiz- Naglab-ot sa 46 ka mga katapo sang rebelde nga New Peoples Army (NPA) ang nagbalik sa sabak sang gobyerno samtang 27 ka iban pa ang nagkaladakpan humalin sang bulan sang Enero tubtub Disyembre 2020 sa Western kag Central Visayas. Ginpahayag sang spokesperson sang 3rd Infantry Division sang Philippine Army nga si Major Cenon Pancito III, pinakadamo sa mga nagsungka ang naghalin sa Negros Oriental nga may 17, Negros Occidental may yara sang 14 ka mga surrenderee, Iloilo may 12 ka surrenderee, Bohol may duha (2) kag probinsya sang Capiz nga may yara sang isa (1). Base sa rekord sang 3 ID, 17 naman ka mga rebelde ang napatay sa nagkatuhay nga engkwentro kun sa diin apat (4) ang halin sa Iloilo; tatlo (3) sa Negros Occidental, walo (8) sa Negros Oriental samtang may tig-isa (1) sa Bohol kag Cebu. Nagkatuhay man ka mga sahe sang pusil kag iban pa nga mga high powered firearms ang narekober sang militar. Samtang hilway naman sa impluwensya sang mga rebelde ang apat ka mga barangay sa Capiz, 11 sa Iloilo, 34 sa Negros Occidental kag 42 sa Negros Oriental.

Facebook Comments