47 anyos, nasampolan sa pag balik sa Drug Operation sa kapulisan sa Gensan

25

General Santos City—sikop sa Operatiba sa City Drug Enforcement Unit (CDEU) ang usa ka 47 anyos nga lalaki atol sa gihimong buybust operation sa may Blk. 3, Bulaong Vill., Phase 1, Barangay Labangal, General santos City.


Ang suspek nailhang si Roger Velasquez, 47, residenti sa samang lugar. Alas 5:00 ang takna sa hapon dihang gihimo sa CDEU  sa pagpanguna ni Police Sr. Inspector Oliver Pauya, Hepe sa CDEU ang buybust Operation sa panimalay sa suspek nga miresulta sa pagkasikop niini human kining napalitan ug (1) ka sachet sa gikatahapang shabu.


Narekober usab sa posisyon sa suspek ang lain pang (1) ka sachet sa gituohang shabu ug P1,500.00 bill.


Gikumperma ni Police Sr. Inspector Oliver Pauya nga si Velasquez ang ila nang namonitor sa wala pa temporaryong giundang ang drug operation sa kapulisan. Nasayran nga dinakpan maoy unang nasampulan sa subling pagbalik sa kampanya sa PNP batok iligal nga druga dinhi sa syudad.


samtang si Velasquez miangkon nga siya naggamitan ug iligal nga druga gani dihang siya gisikop sa kapulisan, siya mismo ang misurender sa (1) ka sachet sa gituohang shabu nga anaa sa iyang posisyon.


Kasong paglapas sa Sec. 5 ug sec. 11 sa Art. II, ilawom sa RA 9165 ang gikatakdang ipasang-at nga kaso batok sa suspetsado.



 

Facebook Comments