Roxas City, Capiz- Nagnegatibo na sa corona virus disease ang OFW repatriate nga taga- banwa sang Tapaz base sa ginpaguha nga COVID-19 Case Bulletin Number 89 nga ginpaguha sang Department of Health – 6 kahapon nga adlaw, Hunyo 23, 2020.
Sa madumdoman, Hunyo 14, 2020 sang na-report nga positibo sa virus si Western Visayas Patient Number 146 nga isa ka 48- anyos nga taga-banwa sang Tapaz kag isa ka repatriated OFW.
May yara ini sang travel history sa Osaka, Japan kag nag- abot sa Mactan- Cebu International Airport sang nagligad nga Abril 18, 2020. Suno sa opisyal nga pahayag nga ginpaguha sang provincial government, ang amu nga persona ang kalakip sa batch 7 sa mga nagpauli nga Capizeño sa probinsya.
Matapos ini ang nakapauli sa Capiz sang Hunyo 4 pinaagi repatriation program sang gobyerno, ginkuhaan siya sang specimen kag ginpadala sa Western Visayas Medical Center(WVMC) sa Iloilo pinaagi sa RT-PCR testing kun sa diin nag-abot ang resulta sang Hunyo 14, kag nagasiling nga ini ang nagpositibo sa SARS-CoV-2 nga causative agent sang COVID-19.
Gin-admit ang amu nga pasyente sa Roxas Memorial Provincial Hospital.
