48-anyos patay, matapos tiruhon sa Tupi, South Cotabato.

24

Patay ang isa ka persona, matapos nga tiruhon sa Purok 3, Barangay Poblacion, Tupi, South Cotabato, pasado alas 8:00 kagab-i, Abril 15, 2021.
Ginkilala ang biktima kay Afredo Abong Obot, 48-anyos, Fruits Outer/ Purchaser kag residente sang Purok 3, Barangay Crossing Rubber, Tupi, South Cotabato.
Sa imbestigasyon, ang biktima ang naggwa sa ila nga balay agud nga i-park ang iya nga Suzuki Mulitcab sang wala nakilal-an nga riding in tandem criminal sakay sa Honda RS motorcycle ang nagtiro sa iya sang makapila ka bes.
Nakaangkon sang igo sang bala sa iya nga ulo kag wala nga dughan ang bitkima nga nangin tunaan sang iya nga kamatayon.
Gilayon naman nga nagpalagyo ang mga suspek sa wala nahibaluan nga direksyon.
Narekober naman sa crime scene ang 1 ka slug kag apat ka basyo sang ginaaligar kalibre 45 nga armas luthang.
Gindala pa sa ospital ang biktima, apang gindeklarar nga dead on arrival sang Attending Physician.
Sa subong nagapadayon ang imbestigasyon sang Tupi sa motibo kag posible pagkilala kag pag-aresto sa mga suspek.

Facebook Comments