READ! 49 anyos na layaki nagpabuto nan armas sa Brgy. Bonifacio, Surigao City tagdakop nan kadagkuan sa PNP. Tagkilaya an nadakpan na si Elbert Calang Dumalag, minyo ug isa ka helper sa J2D Trading. Sa inisyal na imbestigasyon nan mga otoridad, an suspek an nosuyod sa ila tagtrabahuan na jaon impluwensiya sa ilimnong makahubog, kalit na tagkuha an shotgun sa Security Guard na si Jeffrey Ecleo Bate ug nagpabuto sa ere na nakahatag nan kahadlok sa publiko. Hinoon sa panghitabo, nag-ilog sila ni Bate ug Dumalag sa armas lakip na mitabang an isa ka Erwin Sitoy, maradjaw gani kay waya nibuto, nailog an armas ug dali na tagsumbong sa PNP, diretso isab na tagdakop. Sa pagkakuman, an suspek an tagtakda sang-atan nan kaso sa illegal possesion of firearms. > > > > > >
