Tres dias despues ya sale perdido el un 49-año persona mientras ta trabasa este na rio de Manicahan, finalmente ya encontra siempre consu cuerpo enantes aga na canto del rio na Sitio Poso na mismo siempre lugar.
Con el victima ya conose como si Ricardo Angeles y Delos Reyes, casao, de Lamisahan.
Asegun con el jefe del Sangali Police Station si Chief Insp. Chester Natividad, del Biernes tarde banda alas 3:30, si Edwin Francisco ya columbra con Angeles ta precura trabasa na rio amediante el fuerte corentaso del agua.
Desde aquel tiempo, nohay mas puede pa mira otravez con Angeles hasta por ultimo enantes alas 6 del aga, si Julieta Marcelino de Sitio Poso, Manicagan, ya puede columbra un cadaver na cantoy rio y ya conose con este como si Angeles.
Con el cadaver ya lleva na unu del maga poneraria para el embalsamo
